اردبیل لوحه‌لری کیتابینی تنقیدی (حسین دوزگونون شعرلری)

محمد داوریار

اردبیل- شهریور آیی 1389

اردبیل شهری آذربایجانین ان قدیم مدنیت مرکزلریندن، ایرانین مشهور تاریخی شهرلریندن بیری دیر. بو شهر تورک‌لرین ان قدیم یورد- یووالاریندان اولوب، بیر چوخ جهت‌لردن اؤزونه مخصوص‌لوغو، اهالیسی‌نین انسانی کیفیت‌لری و عمومی جاذبه‌دارلیغی ایله آدام‌لاری همیشه اؤزونه جذب و حیران ائتمیشدیر. حسین دوزگونون ده بو شهری سئومگی، اونا محبت بسله‌مگی و اردبیله اورکدن باغلیلیغی تصادفی دگیل‌دیر. لاپ‌دا دوغما و طبیعی‌دیر. اونا گؤره‌کی او، ننه طرفیندن اردبیللی اولوب، اونون آناسی، محرم خانین اوغلو عباس‌قلی‌خانین قیزی‌دیر. عباس‌قلی خان اصلاً اردبیلین ان مشهور و مرکزی محله‌لریندن بیری یعنی «پیر عبدالملک» (= پیره‌دملیک) محله‌سیندن‌دیر کی مشروطیت دُورونده تبریزین «زه‌ره‌نه» کندینه کؤچموشدور.

بوندان علاوه، حسین دوزگون، 9 – 1347 ـینجی ایللرده اردبیل دبیرستانلاریندا درس دئمیشدیر و بیر چوخ وورغون شاگردلر صاحبی اولموشدور. اونلارین بیری ده منم کی ایندیه قده‌ر اونا شاگردلیک عشقی ایله یاشامیشام، هر زمان اوندان اؤگرنمیشم و الهام آلمیشام.

ادامه نوشته

دکتر صدیقین سجیّه‌لری

داور اردبیلی - دؤردونجو بؤلوم

توکنمز انرژی

سؤز رمزینی تانییانلار، اسكی‌ سیرلرین بیلیجی‌لری، معنا بولاغی‌نین صاحب‌لری و محبت‌ باغی‌نین گؤزتچیلری سؤزو بیان ساپینا دوزوب بئله نقل ائدیرلر كی (دؤرد درویش ص 7): ایل عُمر اؤلچ‍وسودور، بیرده اوندا آییلیرسان كی یاری یاشا چاتیبسان، نئجه یاشامیسان بو ایللری؟ ایللر حیاتیندان پاییز یئلی كیمی اسیب كئچمه‌ییب كی؟ بو سئوال چوخونو دوشوندورمور، مُدرك‌لیكله دولو بیر اثرده دئییلدیگی كیمی حیات بیزی قووور بیز ایسه اؤلومو... اژدها اونودوب شیره‌یه آلداناراق گئجه‌نی گوندوزه قاتیریق.... اونودوروق كی بیردن بیزدن سوروشالار، سندن‌ سونرا، بیزدن سونرا نه قالیر....؟ (دنیا آرزولاردا، ص 88)

تبریز، یاخین و اورتا شرقین قدیم تاریخه مالک اولان مشهور شهرلریندن بیری، اوزون ایللردن بری مهم تجارت، مدنیت و صنعت مركزی، مختلف دُولتلرین پایتختی، یئنی و أن‌ یئنی دُوره‌ده بوتون ایرانین اجتماعی، سیاسی و مدنی حیاتیندا سون درجه بؤیوك رول اوینامیشدیر... تبریزده یئتیشن چوخلو اجتماعی، سیاسی و مدنی خادم، ‌عالیم و اینجه‌ صنعت اوستاسی بوتون ایراندا و خارج‌ده بؤیوك شهرت قازانمیشدیر....

ادامه نوشته