اگر ضمیر، صافی باشد در هر حادثهای خیری موجود است.
هر حادثهای هر چقدر تلخ و سخت باشد در نهایت خیری برای آدمی به همراه خواهد داشت.
مرحوم گنج یازیچی صمد بهرنگینین آجی شهادتینین ایل دؤنومی مناسبتی ایله اونون دوستو و قلمداشی «حسین دوزگون»ون «صمد بهرنگی منظومهسی» آدلی کیتابیندان بیر پارچا سیزه نقل ائدیرم.
- 9 -
قوی افسانهلشسین صمد بهرنگی،
انسانی یاشادار مسلك چلنگی.
قوی عاشیقلار قوشسون آدینا داستان،
اوغوللار دینلهسین سنی هر زمان.
عشقینله اۆرهكلر قوی آلوولانسین،
آدینی چكنده دشمن اودلانسین.
ترپنسین یئریندن قوی بؤیۆک تبریز،
اؤز باشینالیقدان دای قالماسین ایز.
قوی یانسین اودلارا شعریم، داستانیم،
حُكمدن قورتولسون آذربایجانیم.
اوستاد حسین دوزگونون «ورزقان هریس» زلزلهسی بارهسینده یازدیغی شعری بو حادثهنین ایل دؤنومو موناسبتیله تقدیم ائدیریک.
ورزقان
قیوریلیردی عزالی ساچ ایچره
رقص ائدیردی گئجه، چئوریلیردی.
گؤیدن اولدوز سامان تک آخیردی،
کؤرپهلر بیر به بیر یوخ اولوردو.
یئل یئریندن قوپوب ییرغالاندی،
بیر ایپک پارچا سردی یئر اوزره.
تحفهسی آعلاییش ماتم اولدو،
آرخاجی غم یوکو، بویو غصه.
رسیم: سید احسان شکرخدا
منیم اسکی آشنام، دوغما قارداشیم،
منیم مرحمتلی حیات سیرداشیم.
کئچمیشم شیمشکدن فیرتینالاردان،
چوخ بلالار گؤرۆب بلالی باشیم.
در روز چهارشنبه تاریخ 22 خرداد 92 استاد در سالن سرای محله در منطقه تهرانپارس در جلسه پر شکوه انجمن ادبی هنری خداآفرین به دعوت هیئت رئیسه ی این انجمن حضور یافتند و ضمن تمجید و تحسینی که از برگزارکنندگان جلسات ادبی و هنری این انجمن به عمل آوردند، شعری را از میان اشعار خود قراءت کردند.
این انجمن از طرف اهالی قره داغ که در شرق تهران ساکن هستند تشکیل شده است و در اولین چهارشنبه هر ماه از ساعت 18 الی 20/30 به شعر خوانی و اجرای موسیقی عاشیقی میپردازد. از فعالیتهای این انجمن که مورد تحسین و توجه استاد قرار گرفت، شعرخوانی خردسالان بود که زبان ترکی را به نیکویی تکلم و کتابت میکردند. شعری را که استاد در این جلسه خواندند تقدیم شما میکنیم:
قارانلیقدا یامان سؤندۆ چراغیم،
یانیلدیم، ییخیلدیم، اوچدو دایاغیم.
قیزیل اؤزه ن کسمه منیم قاباغیم،
سولاریندا قیزیم سارا قالیبدیر.
تبریز یوللاریندا بلاقی (اوستاد حسین دوزگونون تبریز بارهسینده شعرلری)
http://tabrizyollarinda.blogfa.com
1371 - نجی ایلده «تربیت معلم»مرکزلرینین
«اوستاد نمونه»سی سئچیلدیم، اما سندلر امضالانمادی.
آنا تبریز بوگۆن، بۆتۆن اؤلکهده،
«اوستادِ نمونه» سئچدیلر منی.
سنین هانسی اوغلون «نمونه» دگیل؟
قوی اؤیۆم بیر بئله شانلی وطنی.
اؤلچدۆلر، بیچدیلر، سئچدیلر، امّا،
«باش رئیس»، سئچیمی تصدیق ائتمهدی!
اونون تؤرهتدیگی کیچیک ماجرا،
اولایا چئوریلدی، چوخ تئز بیتمهدی.
مستفعل مستفعل مستفعل فع لن.
دیوان فارسی، غ. / 217
قارشیندا سنین گولده، باشین سالدی آشاغا،
گویا کی پشیماندی گلیب بؤیله قاباغا.
قیرسا چو تیکاندان، یئری باشدادی گولون، بیل،
اگلشمه رقیبلر ایله گئت بیرجه قیراغا.
باغ ایچره ندن قانلی اولوب گؤینهگین، ای گول!
اولما قان ایچیبسن، گیرهرک بیرده یاساغا.
یئل، غنچهنی گول ائیلهدی دور گل ایشه باخ سن،
ناصح پولهییر سانکی کؤنولدهکی اوجاغا.
سون نفسده
من ياشدا اولانين گؤزۆ يولدادير
قولاغي سسده،
سانكي دايانميشدير
آرخادا اوزانان
شرفلي، شوكتلي،
اوزون كئچميشي
اوزاقلاردان گلن خيشيلتيلارا
بشارت شافاغين تؤكن سحره -
باغلايا، اؤله...
من ياشدا اولانين گؤزۆ يولدادير،
قولاغي سسده،
قایناق: شناختنامه حبیب ساهر بر اساس پژوهشهای دکتر ح. م. صدیق
قصّهی شاهانه
گؤزلیم دینله سنه قصّه و افسانه دئییم،
نه دیلنچی ناغیلی ... قصّهی شاهانه دئییم.
نقل ائدهرلر: واریدی بیرگون[1]،
بیرگون یوخودو.
بیرقوجا شاه وار ایدی، مکنت و مالی چوخودو.
قوجامان مملکته وارث اولان آلِکیان،
خالقی تاراج ائلهییرکن او اوتانمازدی بیر آن.
عاشورا گئجهلری تبریزده شمع پایلاما مراسیمی مناسیبتیله
«گولو - گولزار رسالت بو گئجه،
شیمردن ایستهدی مهلت بو گئجه!»
اذانین آخدی صداسی جانیما،
بو گئجه ایستهمه حاشا ائلیهم.
گئدیرم آی باجی قیرخ بیر مسجیده.
آنامین نذرینی برپا ائلیهم.
باش وئریبدیر نه قیامت بو گئجه!
قوی گئدیم بیرده قیزیللی مسجیده،
ساوموشام سورخابی، سئیتمزهنی من.
مقبره مسجیدینین آغزیندا،
آغلاماق باسدی باجی، لاپ بیردن!
گلدی اخلاص ایله حالت بو گئجه.
وزن: فاعلاتن فعولن فعولن
منبع: http://duzgun.arzublog.com
ورزقان
قیوریلیردی عزالی ساچ ایچره
رقص ائدیردی گئجه، چئوریلیردی.
گؤیدن اولدوز سامان تک آخیردی،
کؤرپهلر بیر به بیر یوخ اولوردو.
یئل یئریندن قوپوب ییرغالاندی،
بیر ایپک پارچا سردی یئر اوزره.
تحفهسی آعلاییش ماتم اولدو،
آرخاجی غم یوکو، بویو غصه.
ائولری ییخدی دپرم یوخ، آی دوست!
چیخماییر کیمسهنین بیر صداسی.
انسانیدا دیزه چؤکدوررمیش،
بوردا یوخسوللوغون ماجراسی.
بسم الله الرحمن الرحیم