اوستاد حبیب ساهردن بیر شعر
قایناق: شناختنامه حبیب ساهر بر اساس پژوهشهای دکتر ح. م. صدیق
قصّهی شاهانه
گؤزلیم دینله سنه قصّه و افسانه دئییم،
نه دیلنچی ناغیلی ... قصّهی شاهانه دئییم.
نقل ائدهرلر: واریدی بیرگون[1]،
بیرگون یوخودو.
بیرقوجا شاه وار ایدی، مکنت و مالی چوخودو.
قوجامان مملکته وارث اولان آلِکیان،
خالقی تاراج ائلهییرکن او اوتانمازدی بیر آن.
خالق، باشدان آشیریب شاختا ـ بوران،
قارلی قیشی.
ایلک باهار یاغدی بوتون عالمه رحمت یاغیشی،
بوغدا تئللندی، زامان دؤندو، اوجوزلاشدی چؤرک.
باش یئره قویدو آغاجلار زمیده، آچدی چیچک.
شاه چوروک بوغدالاریندان اؤتورو اولدو ملول،
چوروموش بوغدایا هئچ کیمسهده وئرمز قارا پول.
***
سولطانی گؤردو دالیب فیکره دئدی کؤهنه وزیر:
«بیلمهییردی کی اونون فیکری نه دیر، دردی نه دیر؟»
ـ کؤلگهلنمیشدیشاهین گؤزلری،
دالغیندی، ندن؟
دردینی سؤیله، ائدر چاره شاهیم،
چاره ائدن ...
دئدی: ـ گیزلین دئگیل آللاهدان
آ جانانه وزیر!
نهیه گیزلین قالا سندن بئله افسانه وزیر؟
بوغدالاردی منی غملندیرن، آشوفته قیلان،
چوروموش بوغدالاری کیمدی بو ایراندا آلان؟
ـ وئجه گلمز چوروموش بوغدا بو عالمده شها!
آمما من بیلدیگیمی تولکوده بیلمز ... اصلا!
یوللا اؤز بوغدالارین تبریزه» حاکیم ساتاجاق،
یاپبا دا اولسا چؤرهک، چیپلاق آداملار آلاجاق ...
بوغلارین ائشدی و گولدو او زامان شاهِ جهان.
ـ اؤرگهنیبسن ـ دئدی ـ
شیطانلیغی نامرد هارادان؟ ...
***
تبریزین حاکیمی تئل ووردو کی
ـ ای عالی جاها!
مژده وئر تانرینین اول کؤلگهسینه،
سؤیله شاها:
شاهپرست بندهلرین موشکولهده تاپدی چارا.
آللاهین لعنتی قوندو دئیهسن بوغدالارا،
دارتدیلار، بوغدالاری پیشدی چؤرهک
رنگی قارا.
چؤرهگی وئردیک آتا، آت یئمهدی
ایت یئمهدی ...
تبریز اهلی سنه قوربان یئدی ده !...
اوف دئمهدی ...
تبریز، 23 / 9 / 1324
[1] عروضون دوز گلمهسینه گؤره ن» شیددتله اوخونمالیدیر
بسم الله الرحمن الرحیم