آخوندزادهنین تبریزلی دوستو، میرزا آقا
ایران آذربایجانینین تورکجه صحنه اویونو یازانلارینین اثرلرینی آقای «دکتر حسین شرقی درهجک» توپلامیش و باکی شهرینده «گونئی آذربایجان دراماتورگیاسی» آدی ایله چاپ ائتمیشدیر. بو کیتابدا چاپ اولان صحنه اویون اثرلری صاحبلرینین آدلاری بئلهدیر: میرزا آقا تبریزی، علی داشقین، معصومه مهین باقری، محمود مهدوی، محمد قضایی، رسول یونان، رقیه کبیری، غلامحسین ساعدی، میرزا شهرک و اسماعیل هادی. همین کیتابا اوستاد دکتر ح. م. صدیق 1392 ایلینده مقدمه یازمیشلار. بو مقدمهنی عیناً نقل ائدیریک:
آخوندزادهنین تبریزلی دوستو، میرزا آقا
میرزا آقا تبریزینین اثرلرینده حیاتی ایله علاقهدار بعضی قیدلر واردیر. مثال اوچون «حاج مرشد کیمیاگر» پیئسینده 1276 هـ . (1859 م.) ایلینده بغداددا اولدغونو و «رسالهی اخلاقیه» ده 1264 هـ . (1848 م.) ده مشهدده امام رضانی زیارت ائدرکن، خراساندا سالار عصیانیندا تورکلرین قتل عامی سیراسیندا اورادا اولدوغونو آنلادیر. رسالهی اخلاقیهنی ایسه 1291 هـ . (1874 م.) ایلینده یازمیشدیر.
بئلهلیکله 1279 هـ . (1862 م.) ایلینده آناطولونو دولاندیغی و همان ایلده حلب شهرینده اولدغونودا یئنه رسالهی اخلاقیهدن آنلاییریق.
بسم الله الرحمن الرحیم