فرهاد رحیمی

تورکجه نین چوخ اسکی‎لیگیندن قایناخلانان ساغلام یاپیسی و گوجلو دیل بیلگیسی (گرامری) اونو هر زمان ایلگی و جاذبه اوداغی و مرکزی قیلمیشدیر. تاریخ بویو بو دیلی باشقا دیللی خلقلره اوگرتمک اوچون چشیدلی سوزلوکلر و دیل بیلگیسی اثرلری یاراتیلمیشدیر. بو اثرلرین باشیندا هئچ شبهه سیز تقریبا 1077 م. ایلینده تاماملانان کاشغرلی محمودون کتاب دیوان‎لغات‎الترک آدلی اثری گلمکده‎دیر. ائشسیز بیر خزانه اولان بو اثر عربلره تورکجه‎یی اوگرتمک مقصدیله تورکجه‎دن عربجه‎یه یازیلان دگرلی بیر سوزلوکدور. باشقا اونملی سوزلوکلردن بیری ده میلادی 14. یوز ایلین باشلاریندا یازیلانکودکس‎کومانیکوس آدلی اثردیر.

 باشقا دیللرده یازیلان تورکجه دیل بیلگیسی و سوزلوک بونلارلا دا محدودلاشمیر و مثلا مصر ساحه سینده کتاب الادراک للسان الاتراک(دیل بیلگیسی و سوزلوک)، ﺍﻠﻟﺘﺤﻔﺔ الزکیه فی اللغة الترکیه