حاضیرلایان: ناصر احمدی

(82)

بولاغين‌ باشينا گل‌،
ديبينين‌ داشينا گل‌.
گلمسن‌، قوتور دوشسون‌،
قاشينا - قاشينا گل‌.

(83)

من‌ عاشيقم‌، اوو دگيل‌،
چاخماق‌ دگيل‌، قوو دگيل‌،
قولون‌ قوروسون‌، اووچو،
بو وورمالي‌ اوو دگيل‌.

 

(84)

اووچويام‌، اوو دگيلم‌،
چاخماغام‌ قوو دگيلم‌.
قولو قيريلميش‌ اووچو،
وورولان‌ اوو دگيلم‌.

(85)

عزيزيم‌، گونه‌ دوشدوم‌،
كؤلگه‌دن‌ گونه‌ دوشدوم‌.
ائوين‌ ييخيلسين‌ فلك‌،
سن‌ دئين‌ گونه‌ دوشدوم‌.

(86)

حاشا دؤنوم‌،

دؤنرسم‌، داشا دؤنوم‌.
يار بيزه‌ قوناق‌ گلسين‌،
دولانيم‌، باشا دؤنوم‌.

 

(87)

من‌ عاشيق‌، بادا وئرديم‌،
قوهوموم‌ يادا وئرديم‌.
باشينا كوللر اولسون‌،
دميري‌ اودا وئرديم‌.

(88)

سؤزلريم‌،

يارا نئينر سؤزلريم‌.
فلكين‌ داغي‌ يانسين‌،
يوخو بيلمز گؤزلريم‌