ناصر احمدی

(14)

عزيزيم‌، اؤز ياريما،
سؤز دئديم‌ اؤز ياريما.
قوزو قوربان‌ كسرم‌،
گلنده‌ اؤز ياريما.

(15)

چاي‌ قيراغي‌ چتنه‌،
گول‌ گؤندرديم‌ وطنه‌.
اللـه‌ قسمت‌ ائيلسين‌،
اؤز كؤنلومه‌ ياتانا.

(16)

من‌ عاشيق‌، قارسالانا،
قار دوشه‌ قارسالانا.
جانيم‌ قوربان‌ ائيلرم‌،
آيريجا يئر سالانا.

 

(17)

قاشينين‌ قاراسينا،
سورمه‌ سي‌، قاراسي‌ نه‌.
جاني‌ قوربان‌ وئررم‌،
اللرين‌ خيناسينا.

(18)

من عاشیق، یاخشی سینا،
آت اوخون، یاخشی سینا.
جان قوربان ، باش صاداغا،
جانانین یاخشیسینا.

 

(19)

عزيزيم‌، ائننه‌ باخ‌،
غاز كيمي‌ دؤننه‌ باخ‌.
تانري‌ مورازين‌ وئرسين‌،
چراغي‌ يانانا باخ‌.

(20)

كوچه‌ده‌ بيتر سؤيود،
يارپاغي‌ گؤم‌ - گؤي‌ سؤيود.
كيچيكجه‌ بير يار سئوديم‌،
خدام‌ اونو تئز بؤيود.

(21)

يول‌ اوستونده‌ وار چنار،
يارپاغي‌ دينار - دينار.
چتين‌ ايشه‌ دوشموشم‌،
قورتارسين‌ پروردگار.

 

(22)

باغ‌ ايچينده‌ آدالار،
دوستوم‌ دولدور بادالار.
گلسين‌ منيم‌ جانيما،
سنه‌ گلن‌ قادالار.

(23)

باغچادا وار زريشلر،
قيزيلي‌ زرگر ايشلر.
قوربان‌ اولوم‌ او يارا،
جانين‌ يارا باغيشلار.