تورک بایاتیلاری
حاضیرلایان: ناصر احمدی
(73)
ياراسيز،
خسته اولماز ياراسيز.
كور اولسون گؤزون، فلك
هارام قالدي ياراسيز.
(74)
قرنفيلم، قلمسيز،
قراريم گلمير سنسيز.
يوخو حرامين اولسون،
نئجه ياتيرسان منسيز.
(75)
قرنفيلم، قلمسيز،
قراريم گلمز سنسيز.
آياقلارين قوروسون،
نئجه گزيرسن منسيز.
(76)
دامنان داما داميميز،
ياخين دير خيرمانيميز.
سن اوردان چيخ، من بوردان،
كور اولسون دوشمانيميز.
(77)
دام اوسته دير داميميز،
قوشا دير ايوانيميز.
سن اوردان چيخ، من بوردان،
كور اولسون دوشمانيميز.
(78)
الينده ساري داراق،
من ياري گؤردوم باياق.
قاچديم، توتا بيلمديم،
سيناسان بئله آياق.
(79)
عزيزييم، قورخاياق،
ياري گؤردوم من باياق.
ها يول گئتديم تاپماديم،
كوت اولسون بئله آياق.
(80)
صانديق آلتدا دؤرد آياق،
ياريمي گؤردوم باياق.
چوخ يويوردوم، چاتماديم،
قيريلسين بئله آياق.
(81)
آل، چاخ فلك،
سلاحين آل، چاخ فلك.
نامرده مئيدان وئردين،
نامرددن آلچاخ فلك.