تورک بایاتیلاری 2 - قارقيشلار ـ بددعالار
حاضیرلایان: ناصر احمدی
(34)باخ سمايا،
باش قالدير، باخ
سمايا.
ذره‌جه حسنون گؤرسم،
نامردم باخسام آيا.
(35)
قارانقوشام، قارانقوش،
قاناديم آيريج - آيريج،
مني ووران بگ اوغلو،
قان قوسسون اوووج ـ اوووج.
(36)
او تاي، بو تايا باخار،
آراسيندان سو آخار.
كور اولسون منيم گؤزوم،
سنسيز دنيايا باخار.
(37)
من عاشيق، مرده مزار،
قازديلار مرده مزار.
نامرد ائوين داغيلسين،
سن اولدون مرده مزار.
(38)
گؤي‌لن گئدن آغ
قوشلار،
آي ساوالاندا قيشلار.
ياريمي مندن آليب،
اؤولادي قيريلميشلار.
(39)
ياد آغلار،
من آغلارام، ياد
آغلار.
تورپاق اونون باشينا،
تؤربه سينده ياد آغلار.
(40)
من عاشيق، دوشن
آغلار،
آتلانيب دوشن آغلار.
دوشسون اغيار گؤزونه،
ساچينا دوشن آغ لار.
(41)
دوشن آغلار،
ييخيليب، دوشن آغلار.
دوشسون رقيب گؤزونه،
زولفونه دوشن آغلار.
(42)
بئله باغلار،
دوست باشين بئله
باغلار.
كول او آدام باشينا،
بداصيله بئل باغلار.
(43)
دولان گل بئله باغ
لار،
كمرين بئله باغلار.
بولبول اؤتمز، گول بيتمز،
چؤل اولسون بئله باغلار.
(44)
عاشيقم، بئله باغلار،
كمرين بئله باغلار.
اوزمديم گول غونچاسين،
قوروسون بئله باغلار.
(45)
عاشيقم بئله باغلار،
باغچالار، بئله باغلار.
بولبول اؤتمز، گول بيتمز،
سارالسين بئله باغلار.
بسم الله الرحمن الرحیم