تورک بایاتیلاری
حاضیرلایان: ناصر احمدی
(1)
آدیم دیر آلا پاختا،
یووامی
قوررام تاختا.
یووامی اوچورانلار،
قان
قوسسون لاختا ـ لاختا.
(2)
آديم دير آلاپاختا،
يووامي قوررام تاختا.
مني توتان خان‌اوغلو،
قان قوسسون لاختا ـ لاختا.
(3)
عزيزيم، «قاراچيق»- ا،
يول گئدير «قاراچيق»- ا.
بو ائله كم باخانين،
گؤزونه قارا چيخا.
(4)
آغ چوخا، قارا چوخا،
ياراشير يارا چوخا.
سنه يامان باخانين،
گؤزونه يارا چيخا.
(5)
آغ چوخا، قارا چوخا.
اوستو زرخارا چوخا.
سني اؤگردن قيزين،
ديلينه يارا چيخا.
( 6)
سو باغلاديم باغچادا،
گول قالدي تاباقچادا.
باعث اولان اؤله يدي،
دونوم قالدي بوقچادا.
(7)
گون چكيليب باتاندا،
گوندوزه شر قاتاندا.
اووچو الين قوروسون،
مارالا اوخ آتاندا.
(8)
آي باتاندا،
گئده‌يين آي باتاندا.
ظالم دوشمن گمي‌سين،
گؤره‌يديم آي، باتاندا.
(9)
عزيزي‌يم، دوراندا،
صبير گلدي، دور، آندا.
قولون قوروسون سنين،
يارا سيللـه ووراندا.
(10)
ائولري آرخ بويوندا،
ايپك يايليق قوينوندا.
منله سنين گوناهين،
قالسين ننه‌ن بوينوندا.
(11)
من عاشيقم، «قارقار»- ا،
«خاچ»ين اوستو «قارقار»- ا.
گونوم آه ـ وايلا گئچدي،
فلك سنه قارقارا.
(12)
عزیزیم ، زولفو قارا،
قاش قارا ، زولفو قارا.
بالامی مندن آلان،
تئز گلسین ذوالفقارا.
(13)
عزيزيم، يؤنوم قارا،
گئيديگيم دونوم قارا.
فلكي ياريماسين،
اؤزوم گنج، گونوم قارا.
(14)
«بغداد»دا بئش منارا،
ائلچي گؤندرديم يارا.
ائلچي گيلئيلي دؤندو،
لعنت بداصيل يارا.
(15)
عاشيق، ايتگيندي يارا،
خالين ايتگيندي يارا.
سني مندن ائده‌ني،
دوشسون ايتگين ديارا.
(16)
عزيزيم، دگدي يارا،
سو گلدي، دگدي يارا.
لال اولسون منيم ديليم،
نه دئديم، دگدي يارا ؟
بسم الله الرحمن الرحیم