حاضیرلایان: داود بهلولی

حكايت

مولانا محيي‌الدين دئدي شيخ قدس الله سره خلخال ولايتيندن كرج كندي ساتين آلدي. كرجيلر سركشليك ائديب دوغرولوغا باش انديرمزديلر. بير گون حضرت شيخ غيرت اوستونده ايدي. بويوردو: «كرجيلر! اؤز ادبينيز ايلن اوتورونوز و فضوللوق ائتمه‌نيز يوقسا سيزي اول‌قدر قويارام كي اتينيز ايله درينيز تؤكوله و سوموكلرينيزي قورويا قالا. آندان سونرا خواجه صدرالدين حمايتينيز ائده.» چون موندان بير آز مدت كئچدي، كندليلر قامي بورجلو ابتر قالديلار و باغلاري ساتديلار و خلخالليلارا اسير اولدولار. پس شيخدن سونرا هم اول حضرتين اشارتي ايله شيخ صدرالدين آنلاري خلخاللي خواجه خسرودان گئري آليب بورجلاري اؤده‌ييب آنلاري قورتاريب ايمن قيلدي.

بيت

هر وعده كي قيلدي شيخ ظاهر اولدو         طالب نه كيم ايستر ايدي آسان بولدو