تذکره شیخ صفی الدین اردبیلی، محمد نشاطی شئرازی
حاضیرلایان: داود بهلولی
حكايت
شيخ صدرالدين روح الله روحه دئدي چون شيخين مقامي عالي و متعالي اولدو، ابدال ايله اوتادون تردّد ائدرديلر و تقرب دوتارديلار، اما حضرت شيخ آنلاري تانيمازدي و آنلار داخي اؤز احوالي حضرت شيخه ظاهر ائتمزديلر.
بيت
اؤزوندن گيزلي و موجوددورلار جهانين حاليني ياخشي بيليرلار
علوم «من لدن» دل تخته‌سيندن نئجه كيم يازيلي‌ديرير اوخورلار
آندن سونرا حضرت شيخين احوالي گون به گون ترقي‌ده ايدي تا باطنين كشفي داخي اولدو. و كشفي‌نين اوّلي بئله ايدي كيم كلخورانين كندينين يانيندا بير كوچوجوك تپه وار ايدي و اول تپه بير اولو كيشينين مزاري ايدي. ياتانين آدي «زرّاد اورنگ» ايدي. بير گون حضرت شيخ ظاهرآ گؤرموشدو كيم بير كيشي آنين اليني دوتوب، اول مزارين اوستونه آپاردي و عالمين شرقي ايله غربي، بقعه‌لر ايله مزارلار چئوره‌سينه گزديردي و حضرت شيخ قدس الله سره خلايقي ثواب ايله عقابدا گؤردو. نئچه‌لري كيم عذابين فرشته‌لري الينده گؤردو، بيلدي كيم گؤردوگو اؤلولرين احوالي‌دير. بو معني‌دن بغايت قورخدو و سايري اولوب چوخ مدت اول ضعفده قالدي. چون سايريليغي اوزاندي، مطهره آناسي طبيبلر ايله حكيملري ييغيشديريب اوستونه گتيردي. آنلار اتفاق ايلن نه قدر كيم دوالار قيلديلار، فايده وئرمه‌دي. آناسي رحمه الله عليها چون بو باغلي قاپينين هئچ كليدي گؤرمه‌دي، و اول دردين دواسي بولمادي، عاجز قالدي. پس حضرت شيخ قدس الله سره اؤز احوالينين كيفيّتيني آناسينا بيلديردي. آناسي چون آنين حالينا واقف اولدو، يقين ايله بيلدي كيم بو مرضين حكيمي اوليادان اؤزگه كيمسه يوخدور، و بو دردين دواسي «فاذا مرضت فهو يشفي»نين شفاخانه‌سيندن غيري بولونماز. پس هر كيم اردبيلين شهري چئوره‌سينده صلاحيت ايله تقوادا مشهور ايدي، قوناغليغا ائوينه چاغيريب، حضرت شيخين قدس الله سره مرضي آنلارا عرض ائتدي.
همان كيم حضرت شيخ قدس الله سره آغزيني سؤيله‌مگه آچيب كلجي ائيلردي، ائشيدنلر قامي سؤزلرينده حيران قاليرلاردي و هئچ هانغيسينين فهمي آنين كلماتي‌نين كُميتينه يئتمه‌ييب قاميسينا محقق اولدو كيم حضرت شيخين قدس الله سره مرتبه‌سي آنلاردن يوخاري‌دير. پس گون به گون آنين احوالي آرتاردي و دردي‌نين دواسي و حالينين محرمي بولونمازدي.
بسم الله الرحمن الرحیم