دده قورقود کیتابیندان
يالاب- يالاب يالاييبان اينجه دونلوم،
يئر باسماييب يوروين سرو بويلوم.
قار أوزرينه قان دامميش كيمي قيزيل ياناقليم.
قوشا بادام سيغمايان دار آغيزليم
قلمچيلر چالديغي قاراقاشليم
قورومسي قيرخ توتام قارا ساچليم
آسلان اوروغي، سلطان قيزي!
اؤلدورمگه من سني قييارميديم
اؤز جانيما قييام، من سنه قييمام.
***
قالخيباني يئريمدن دورار ايديم
يليسي قارا قاضليق آتيما مينر ايديم.
بابامين آغ بان ائويندن چيخار ايديم
آرخو بئلي آلاداغي آولار ايديم
آلا گئييك، سيغين گئيگ قووار ايديم.
دارتاندا بير اوخ ايله‌نملر ايديم.
دميرسيز اوخ ايله ايگيت سني سينار ايديم
اؤلدورمگه گيديم، من سني قيار ايديم؟
***
آلان صباح ساپا يئرده ديكيلنده آغ بان ائولي
اطلس ايله ياپيلاندا گؤك سايوانلي
طوله- طوله چكيلنده شهباز آتلي
چاغيريبان داد وئرنده بول چاوشلي
يايخاناندا ياغ تؤكولن بول نعمتلي
قالميش ايگيت آرخاسي
بئزه مسكين ادمودي
تركستانين ديره‌گي
تولو قوشون ياوروسي
آميت سويونون آسلاني
قارا چونغون قاپلاني
دولتلي، خان، مدد!
گؤزوم، گؤزوم، يالينيز گؤزوم
سن يالينيز گؤزله من اوغوزي سينديرميشديم
آلا گؤزدن آييردين ايگيت، مني.
دادلي جاندان آييرسين قادر سني.
ائيله‌كيم من چكيرم گؤز بونوني!
قالاردا- قوپاردا ايگيت، يئرين نه يئردير
قارانقوتون ايچينده يول آزسان، اومون ندير
قابا علم گؤتورن خانينز كيم
قيريش گوني اؤندن تپن آلپينز كيم؟
آغ ساققاللي بابان آدي ندير؟
آلپ أرن، أرن آدين ياشيرماق عيب اولور
آدين نه‌دي ايگيت دئگيل منه.
***
قلاردا- قوپاردا يئريم گون اورتاج
قارانقوتون ايچره يول آزسام، اوموم الله
قابا علم گؤتورن خانيميز بايندرخان
قيريش گوني اؤندن تپن آلپيميز اولاش اوغلو سالور اوغلو قازان.
آتام آدين سورار اولسان قابا آغاج،
آنام آدين دئير ايسن قاغان آسلان.
منيم آديم سورارسان اوروز اوغلي بساط دير.
***
مره! قوات! آغ ساققاللي بابامي آغلاتميشسان،
قاريجيق آغ بيرچكلي آنامي بوزلاتميشسان.
قارينداشيم قيياني اؤلدورميشسن
آغجا يوزلي يئنگه‌مي دول ائيله‌ميشسن.
آلا گؤزلي ببك‌لرين اؤكسوز قويموشسان
قييارميان سني؟
قارا پولاد اؤز قيلينجيم دارتمايينجا
قفالي بؤركلي باشين كسمه‌يينجه
آلجاقانين يئر يوزونه تؤكمه‌يينجه
قارداشيم قييانين قانين آلمايينجا
قويمازام.
***
اوغول، اوغول، آي اوغول!
قارانقولوجا گؤزلريم آيديني اوغول!
گوجلو بئليم قوتي اوغول
گؤر آخر نلر اولدي؟
نلر قوپدي منيم باشيما.
قالخيباني، يئريمدن دوري گلديم
يويني سينسين آل آيغيري بوتون مينديم
آو آولاييب، قوش قوشلاييب گزركن
بونالدي سورچدي، مني يئره چالدي.
ساغ اويلوغوم سيندي
منيم قارا باشيما نلر گلدي.
قارا- قارا داغلاردان خبر آشميش،
قانلي- قانلي سولاردان خبر كئچميش،
دمير قاپو دربنديندن خبر وارميش
آلاجا آتلي شوكلي ملك قاتي پوسموش
پوسدوغوندان قارا داغلارا دومان دوشموش
ياتديغي يئرده بيگ بكيلي توتون، دئميش،
قاروسوندان آغ أللرين باغلايين دئميش
قان آلاجا اردوسونو چاپين دئميش
آغجا يوزلي قيزيني گلينيني يسير ائيلين دئميش.
قالخيباني اوغول يئريندن دورو گلگيل،
يليسي قارا قاضليق آتين بوتون مينگيل!
آرقوري ياتان آلاداغي دونن آشغيل
آغ آلينلي بايندر خانين ديوانينا دونن وارغيل
آغيز ديلدن بايندرا سلام وئرگيل.
بيگلربيگي اولان قازانين ألين اؤپگيل
آغ ساققاللي بابام بونلي دئگيل
البته و البته قازان بيگ منه يئتسين
گلمز اولسان مملكت پوزولوب خراب اولور،
قيزيم گلينيم أسير گئتدي، بللي بيلگيل.
بابا، نه‌سؤيلرسن، نه آيدورسان
باغريم ايله أوره‌گيم نه داغلارسان
قالخيباني يئريمدن دورماغيم يوخ
ييليسي قارا قاضليق آتيم مينمگيم يوخ،
آرقو بئلي آلاداغي آولاييبان آشماغيم يوخ،
آغ آلينلي بايندرين ديوانينا وارماغيم يوخ،
قازان كيميدير، من آنون ألين اؤپمگيم يوخ،
آلتينداكي آل آيغيري منه وئرگيل!
قان ترله‌دي چاپيديراييم سنين ايچون
اگني بك دمير دونون منه وئرگيل
غفلليجه باشلار كسه‌ييم سنين ايچون.
قارغي دالي سونگوني منه وئرگيل
كؤكسوندن ار سانجاييم سنين ايچون.
آغ يئلكلي اؤتگون اوحون منه وئرگيل
أردن- أره كئچيره‌ييم سنين ايچون.
آلاگؤزلو أوچ يوز ايگيدين منه وئرگيل
دين محمد (ص) يولونا دوروشاييم سنين ايچون
***
قاني دئديگيم بيگ أرنلر،
دنيا منيم دئينلر؟
اجل آلدي، يئر گيزلدي
فاني دنيا كيمه قالدي؟
گليملي- گئديملي دنيا
سون اوجي اؤلوملي دنيا.
بسم الله الرحمن الرحیم