تذکره شیخ صفی الدین اردبیلی، محمد نشاطی شئرازی
حاضیرلایان: داود بهلولی
حکایت
اكمكچي پيره بهادين روايت قيلدي سيد حسن‌دن كيم اول چاق كيم حضرت شيخين زيارتينه اردبيله وارميشدي، دئدي: «سلطانيه‌ده بير يئرده قوناغ ايديم. نئچه آدام حاجيلار آندا حاضر ايديلر. دئديلر: «بيز مكه‌نين طوافيندا خاتايلي يئددي آدام گؤردوك كيم طواف ائدرلردي. صورتلري قامي رعنا و تصوفون كسوتي ايچينده، زيبا. چون حجّين اركانيندان فارغ اولدولار، آنلاردان سوردوق كيم: «سيز خرقه ايله كسوتي كيمين اليندن گئييبسينيز و توبه‌ني كيمدن آليبسينيز؟» دئديلر: «بيز شيخ صفي‌الدينين مريدلري‌ييز و بيزيم ائليميز خاتاينين مملكتينده اولور و بيز يئتميش آدام حضرت شيخي قدس الله سره واقعه‌ده گؤردوك و اول حضرتين اليندن توبه ايله تلقين آلديق.»
بيت
بو دنيزغه گوهري چيخارماق ايچون دالميشيز بو دل و جان آرزويو جانلا ساتين آلميشيز
«و چون بير مشكليميز دوشر، حضرت شيخي ظاهرآ گؤرريز كيم گليب مشكللريميزي حل ائيلر.» و سلطان ابوسعيد خانين چاغيندا ائلچيلر كيم خاتايدان گلديلر، اول صوفيلرين بيتيكلري كيم حضرت شيخه يازميشديلار، گتيرديلر
بيت
اي صبا بو بنده‌دن يوز بنده‌ليك آنا يئتير پاي‌بوسون ائيله‌يندن سون جوابيني گتير
كيم مدد ايله همت ايسته‌ييب دئميشديلر كيم «بو كافرستاندا كافرلر ايلن هميشه غزاداييز.» پس حضرت شيخ قدس الله سره طالبلره بويوردو كيم آنلار ايچون دعاي بخير ائيله‌سينلر كيم قاتي يئرده‌ديرلر. و گؤزلريندن ياشلار آخيتدي.
نظم
نرگسينين التفاتيندان‌ديرير عشقنين جاني هميشه شادمان
بير كرشمه ايله آنين غمزه‌سي جان و دل‌ني خرم ائيلر يوز تومن
بسم الله الرحمن الرحیم