حبیب ساهردن بیر شعیر
اَییل سولار اۆسته!
اگیل سولار اۆسته، تؤکۆلسۆن کؤلگن،
اوخشاسین کؤلگنی چشمه‌نین الی.
قوی دئسینلر قوشلار: - گۆللندی باغچا
او ساریشین گؤزل باغا گله‌لی.»
***
اَییل حلقه لنسین سودا ایشیغین
اریسین سولاردا یاقوتی رنگین
قوی سنین شووقون ، سنین شفقین:
گۆل ایزلر آچسین دنیزده درین...
***
گل!... سؤنن غوروبون کهرۆبا رنگی
بویاسین حیاتین آغ پرده‌سینی
قوی دینله سین کؤنلۆم، غملی آخشامدا،
باغلاردا خزانین سون نغمه سینی...
***
اساطیرین گؤزل معبوده‌سی تک،
اؤز عشقینله یاندیر قارا کؤنلۆمۆ.
او بایغین باخیشلا تاتار گلینی!
ائتمه پریشان بو یارا کؤنلؤمۆ...
***
او اودلو باخیشین منی سۆزرکن
آچیلار روحومدا بیر اۆفۆق اوندا
عشقین صۆبحی کیمی، گۆلر اوزاقدان،
ماوی پرده‌لرده سحرانگیز دۆنیا
***
اَییل سولار اۆسته آخشام اولدوزو!
سئیر ائت آسمانین درینلیگینی
او ماوی عالمین اهتزازیندا:
قوی زۆلفۆن اوخشاسین سرینلیگینی.
کؤشن ص4-5
بسم الله الرحمن الرحیم