ماهنی

اكینچی الیله، داغ اته گینده،

پاییزدا اكیلن، جوان گیلانار،

باهاردا بسلر بار، آغ چیچگینده،

یایدا مئیوه وئر‌ر، قیرمیزی، گۆلنار

****

چكیلن امكله، آچیلار گۆللر،

دالغالانار چؤلده، ساری سۆنبۆللر

باغلاردا گؤیه ر‌ن عطیرلی گۆلپر

آیدینلادیب گؤزۆ، کؤنۆلۆ اوخشار

***

پالچیق داخمالاردا، بؤیوین قیزلار،

یابانی چیچكلر، ساری اولدوزلار،

یاغیشلی پاییزلار، گۆنشلی یازلار:

بو قارا توپراغی ائدرلر گۆلزار ...

***

اونلار كی‌ دۆنیادان چوخ ‌تئز كؤچرلر،

خرمنلری دؤیۆب، بوغدا بیچرلر

قارا چؤرك‌ یئییب، شور سو ایچرلر،

بیر گۆن كور یوخودان اولارلار بیدار

***

سحر نسیمییله گۆل له نن اوتلاق،

چمنده آچیلان سۆسنی زانباق

دۆنیانی بزه‌ین امكدیر آنجاق،

اولمازسا قارا قیش گۆلـله‌نمز باهار